因為憑《呼吸有害》而成為香港樂壇史上第一首「五台冠軍歌」得主，令以往一直長時間身處海外的莫文蔚（Karen）終於在去年年底正式重返香港這個家鄉，除了出席多個樂壇頒獎禮外，又於六月舉行一連兩場《絕色莫文蔚世界巡迴演唱會香港站2021》，將紅館變成告別大舞台的終極一站，她亦推出入行以來首張影像專輯（Visual Album）《The Voyage》，是繼2001年的《一朵金花》之後，相隔二十年再推出廣東大碟，九月底面世後，隨即登上「香港唱片商會銷量榜」兩星期冠軍。
Karen早前接受專訪，坦言今次《The Voyage》之所以能夠成事，乍看充滿計算，實情緣於偶然，「今年喺冇Planning嘅情況下返咗嚟香港……主力要做演唱會，又識咗啲新嘅合作伙伴，譬如Edward Chan（陳浩然）。」原來Karen從倫敦返回香港的第一個任務，就是要籌備元旦夜（2021年1月1日）在「叱咤頒獎禮」上的14分鐘演出，「我好多年都冇喺香港做音樂，『叱咤』嗰段Performance，就請咗Edward幫我哋搞成件事，嗰次真係第一次同大家纊（即撞出火花，發音Kwang3），但係又好啱傾，完全啱Channel，完咗呢個Project後就覺得……不如搵多啲嘢嚟玩，都係時候要認認真真咁出一隻廣東碟。」
最終Karen邀請Edward幫手，與她一同擔任新碟監製，又讓他負責安排拍攝現場的錄音及樂隊演奏事宜。影像專輯跟錄音室專輯製作過程有別，今次Karen需要在戶外同時完成演與唱的部份，難道高很多，但對舞台經驗豐富的Karen而言，絕對好玩，唯一擔心的是天氣不似預期，「即係好似做一場Live Show咁囉，只不過唔係搭個舞台出嚟，你就喺個實景度……真正難處同挑戰就係，大家好驚個天氣，（因為）呢啲（牽涉）Technical嘅嘢就好難預計。」專訪期間，除了《The Voyage》幕後製作花絮，Karen亦透露今次選曲標準。全碟共八首歌，全新作品和舊歌翻唱各佔一半，她特別提到黃妍（Cath）專誠為自己創作的《原來…甚麼都有可能》，原來這首歌之所以出現，源於藏在心中多年的結，一切要回到1993年，亦即Karen出道的那一年說起：「（新歌）呢個Idea諗咗好耐㗎喇，我係有啲唔忿氣啦，但初出道嘅時候，你係新人完全冇Say㗎嘛……真係好唔啹（Gur）。」到底28年前發生過甚麼事？
採訪、撰文：游大東
鳴謝：Sony Music Hong Kong
Patreon訂戶獨家足本重溫：https://bit.ly/3iounT8
